اغاني علم بالحروف

الألف
اجعن دعاي يامرهون تلقاه في ضراري كبيدتك
اعزاز مالكين العقل ينساهم منامه يجيبهم
العقل واسع الجالات أضايق مع نار الغلا
الدمع يوم ياس عزيز لو كان غيث لوطان أرجعن

الباء
بلا قشوشه للنار تشيط نوحلو في ردمها
بعد رديم الياس شقيت نار لولاف لهلبت
بنيت قصر في لامال اكبر الياس جاني وهدمه
بلاك ما نريد انعيشن نفداك بالروح ياعلم

التاء
تبقي حايسه وتموح عزيز وين عيني تنظره
تنهاهن يديرن عزم يجيهن الليل ويذرفن
ترجاك والرجاء في الله العين ياعلم ما ميسه
ترجي العين تاسع ياس ترقيع في غلا بايد لها

الجـــيم
جبد سريب جابك فيه بكا العقل ما حوته سكت.
جرت عليه نار عزيز العقل نين شاكي خالقه
جضيض خاطري م ألنار بكي جميع مولاي ما خلق
جروح يا عزيز غلاك م الغيبه برايا ع العدم

الحـــــاء
حرثن فيه نين جبرن شلال دمعتي يوم ياسهم
حتي والمواوير يـاس غلا عزيزنا ما نتركه
حتي وهو عذاب سنين يغات ا لمراهين فاكه
حتي وانت فيك الياس خلق الله توقاتك فرج.

الخــــاء
خلا ني غلا مرهون نشاكي الدانون ياعلم
خلاني صفا ليام نشاكي اللي مانشغله
خلاك حايره في ألراي غلا عزيز ياعين هو أللي.
خطاك باعزيز معاي كبير غير كاميه خاطري.

الـــــدال
ديما قبال العين سوا بعاد والا يقربوا

دموعك عليه حلال عزيز كيف ياعين والدك
دوا مات غلا مرهون م النوم وين نوعي تصيدني
دموعك عليه كبار غلا عزيز ياعين ذيبلك

الـــــــراء
راقد وجاك النوم كذاب مو غلا نا جارحك.
رجيت والرجا ما جاب ننساهم الله غلب علي
رماهن صفا ليام علي عويل مو قيسا لهن
روامي أرمام العقل خطر عزيز حوما جابهن

الــــــزاي
زلازل وفيض ونار غياتك براكين خلفن
زعمه يا عزيز تسال والا سحبك ديوان غيرنا
زعمه كيف صارا لموح مدعي غلاي مازال جابده
زرعت زرع جاب أثمار جنوه ناس ما نالوا شقا

السيــــن
سمرن نين ماح النجم حتمن يأس غاليهن غفن
ستين الف جوز طبييب الجرح جار عانوه كادهن
سفا رديم ع النيران العـقـل وين مافيهن وحل.
سرييب صوب جا للعقـل نساه يا علم طاري الهل

الشيـــــــن
شدي عزا يمك ياعين يفـني العمر يابال الغلا
شكاع بارقه ما بات غلا جديد لا في خاطري
شراب في ا لمفاصل ذاب غلاك داه ما لا دواء
شقانا وراهم ضاع سعد غيرنا فيهم قوي.

الصــــــاد
صيا ا لعقل يوزن فيك لقيك ردع لوطان كلهن
صبار وا لكواين فيه شديد شديد عزم ثاريت خاطري
صبرن يا عزيز سنين اللي قبل يوم يكيدهن
صعوده تهابي فيه غلا عزيز يا عين كايدك

الضـــــــاد
ضليله وراء مرهون العين م ا لبكاء نين أنعمت
ضليله رايها مازال العين بالمراهين شاقيه
ضليله وطت في حوض تطول في عزيز وتلتغب
ضليتي ضلال كبير وراء عزيز يا عين الحياء

الــطــــــاء
طروا عزيز ع الغفلات سهيت نين ما فيدي وقع.
طارح فراش الياس العقل نام نومه ريحه
طالب الله فزاع يجيب ناس ماضي صوبهم
طالق معانا نار جرار غلاك مازال غايتي

العيــــن
علي اثر جيرته مرهون تما بغيبته ما ينطري
عليك خاطري مجروح وياعزيز ناويش درتلك.
علي جار طالق نار غلاك وين ماجا لخاطري
عزيز وين ما نطروه يسيلن رقيقات الغرض

الغيـــــن
غفت العين جاب العقل سريب ياعلم طار نومها
غرض العين في مرهون سفاه الا لكن مضت
غلاك عضم كسره قند دقداق ما جبيره تلايمه
غالي علي لنظار حتي وانت مرهون ياعلم

الفــــــاء
فدا عزيز مو ميجود كبير جا علينا فاهقه
في زمان قل القدر لقي العقل لتراك خير له.
فراق ا لعزيز صعـيب تخريج روح يانا موعره
فراق العزيز صعيب والصبر في فراقا كادني.

القــــــاف
قفزات خاطري م النوم اسبابه الغنايا وجرحهم.
قليلة نجا ياعين من يوما وطيـتي نارهم.
قسمت ليلها ليلين العين في مراجيي غاليا
قايله مع عقال العين حالفه ما تخونهم
الكــــاف
كاس ياسهم في اليد يذوق فيه ويقول يقسمو
كبرت نار شاطت نار ولعت نار في نار قابلت
كبرن نار مرهونين كميتها علي جوفي رقت
كناه ذ يبله رداه اجحده صاف شا كبه أوحل.

الـــــــلام
لو كان ما خلق مولاي مغير أنت وأنا والغلا
لو مريض للسوال ولا العقل بريان ياعلم
ليش يا عزيز ادير الصوب وأنت عابي ع الخطا.
ليالي مضن وايام طلبنا الله لا أتعاودهن .

المــــــيم

مغير مذهب الرايات الا العقل رأيه مودعي
مرهون تحت ناس عزاز رزاني وناره مقايله
مرهون يالعين أنسيه ديري عزاوين واصبري
مرزي العقل كا مي داه من خوفا يشاكيك تنكره .