يا ليبيا مقهوره
ياليبيا المقهورة . . بين البنات والكارطة والكورة . . ضاعو شبابك
جيل انسيه
جيل انتهى ماخير تلقي فيه
لايحترم روحه ولا والديه
ولا يعد ربي شايفه بالصورة
في العيب طايح مرتمي بيديه
ناسي الله وطلته وحضوره
ايدير الخطا ويعيش فارح بيه
ومايندري اللي صار من مخسوره
ياليبيا انسي عباك عليه
لجيلك حفرنا من زمان قبوره
جيل توارا
وسط الحشيش اليوم راح خسارا
عند القهاوي مسكنه ودياره
وعند الشيشة حرفته وصيوره
لا هدف لاطموح في مشواره
واخد الدنيا لعب في منضوره
جاهل وضايع ماسمع لدباره
والقلب ميت فيه طافي نوره
يلزم علينا نوقفو بجداره
من كتر مازايد الحال خطوره
ياليبيا المقهورة . . بين البنات والكارطة والكورة . . ضاعو شبابك
موضوع: الشباب اليبي شعر صح 
2009-02-22, 00:48
