غناوي علم...

للعين ما عرفنا ريح.. تجنح نصيب وتجي مرايفة...
كبرت نار بين رياح.. نريدها خنس بان ضيها...
فكوا ربايطه عالحول.. لقيوا الجرح كي يوم ربطته...
مرسالهن بطى ما صبرن.. مرسال لحقن في جرته...
عليه غير كيف قدرت.. النسو ياناسي دلني...
اجبرن خاطري لقسام.. جابن عزيز في يديهن وجن...
غدير خاطري مازال.. عليه غايبة ريح صفوته...
احذاك بندروا لثنين.. قوليلي اتهيمي مع ايهم...

مشكورة علي الكلام الاكثر من رائع منورة اختى اورورة علي الموضوع .........


انستينا في الجو ........ وخليك ديمة معانا في الجو ........

مشكورين
المهندسة: ايريح روحه لانار تكبر لاسطير اجروحه.. اللي مانظر زولك ايريح روحه.
وشوني:ماني صابر انحوس حوسة المفطوم غير انكابر..علي غيبتك عالعين ماني صابر.

ارور : اتاكي الربيع الطلق يختال ضاحكا من الضحك حتى جنابه قريب يتمزقوا

انقول
غلا عزيز يوم بيوم.......ايزيد كيف مايزيد عمرنا

في تابوتي القيت طيفها لاحق جنازه موتي تحت الكفن جاني وفي تابوتي

انقول
تشفى تشفى....عندي كبد ككلمة ها عزيز بمشفى.....مع كل نخصه انقول تشفى تشفى

عندي كبد اسف

انكان نزح دمعك ياعين....انجيبوا بكايا بالدين
حاضر ياعيني اندزولك.....بكايين انكان قضولك
مع تحياتي امواج تحترق شكرا علي مساهمتكم ومشاركاتكم الحلوه وانا مستجد في هدا المنتدى وانشاءالله انكون عليكم خير

عيني بكايا مليوعه......عاللي قسميته مقطوعه
مامن صوب انقولوا لنا......كيف بلاش طلعنا منه
اني عارف مافيه اقسام......امغير انرضي في ليام
ايام البكيه نبكولك.......واليوم اعزوم انيرولك
كانن عالدمعه يزابن......سبحان اعيوني اللي تابن
كر وفر عزيز غلاه.....تعبنا من التمشيط وراه
كنكن يالقسام اتودن.....في ناس وفي ناس اتردن
ابقيتي يادار الغياب.....زعازيع وظلمه وضباب
اتركهن اتنال الصبر....مالك سبب في دمعهن
اجريح ياعزيز غلاك.......جميع شكل لوجاع جابهن
اسمله ياجرحي العطيب.....طبيب ايحول شور طبيب

واللي عنده ايزيد واسلمتوا لكل من شاهدهن واتمنى انهن تعجبكم