اسف جدا علي ليل وسهر ماينـــــــعدن

آسف جداً على ليل وسهر واشواق ما ينعدن

آسف جدا على رحله سفر منها الخطاوي ردن

آسف انى عديت فى درب الغرام ورآك

وآسف إني وفيت في كل عهد معاك

وآسف أنى رجيت ولأتعبت ولأمليت في يوم من مرجاك

وآسف أنى وديتك وبأجمل حروف كتبتك

وآسف إني ما أنسيتك وأسف أنى عاتبتك..

وآسف أنى مديتالك يدي برغم اجروحي

وآسف انى صبيتلك ضد الزمان ابروحي

وآسف انى حنيتلك وفى غيبتك ما رضيتلك سيه ولاتوجيعه

ولارضيت يوم خديعه ولاهان حبك ولاقدرت انبيعه

آسف انى نا كنتلك روح ونفس ليل اوونس

وذراعي وساده اتجيه لو كان جفنك نعس

آسف على كل الحنين او اّه او انين.

آو دمعات عين واحلام ضاعن فى ظلام اسنين

ومن نبضهن العروق ومن كل لحضه شوق

ومن ود ما با ايهزك ومن قلب كان ايعزك

خوذ الاسف بعداد نجمات السماء

خوذ الاسف بعداد ما فوق الوطا

من ناس وشجر ومن طير وحجر

وبعداد زخات المطر وياريت غير أيسدن.
.
اّسف جداً على ليل وسهر وأشواق ما ينعدن.

اسف جدا اني رجيت ولاتعبت ولامليت في يوم من مرجاك
مشكوووووووووووووووور جدا والله شعرك يمسح عالقلب
Thanks