خشوا عيدو على بعض

بكرة ليلة الميلود موسم يعني والمناسبة مولد سيد الخلق اجمعين سيدنا محمد عليه افضل الصلاة والتسليم ...ايه فيشطة للصغار والكبار كيف عاد:
الاطفال من ناحية القناديل والالعاب واللبس الجديد(مطيح سعد البو راتب عدى قبل ايخش الجيب ويدفا)
العنصر النسائي كيف عاد مناسبة ووينك يالقني عند هلها واعياله(اهل راجلها)وخوذلك جو القرمة والحنا(ياسعدكم يااصحاب محلات العطرية)
العنصر الرجالي :
الشبيبة وين تلقاهم عاد في الشوارع والسيمافروات والمحلات بالخط ولوح وايخلوا المارة راكبهم الرعب من المشي عالرجلين والا حتى اللي في سياراتهم يفتحوا الشبابيك من الخوف ايجيهم طرف ارياحي وديدة

الشيابين عكسة ولمة مع بعض وعليك يالسيزة

وانتوا شن اتديروا وشنو اموتيين باش اتعيشوا يوم غدوة بفرحته..


هذا قنديل وقنديل يشعل من المغرب لليل
هذا قنديلك ياحواء يشعل من المغرب لتوا