الرئيسيةمكتبة الصوربحـثالمساعدةالتسجيلدخول

شاطر | 
 

 قصيدة جوها مليح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فالحة ام العقارب
عميد
عميد
avatar

انثى
عدد الرسائل : 1151
العمر : 43
المزاج : عال العال
البلد :
الوسام :
احترام قوانين المنتدى :
100 / 100100 / 100

تاريخ التسجيل : 14/02/2009

مُساهمةموضوع: قصيدة جوها مليح   2009-02-17, 23:30

قصيده لشاعر (بوبكر رابح ) ... لــ شايب الرومانسي ذو الحياه الهادئه حيث يأتيه أبن عمه (أمراجع بونجامه) طالباً منه الفزع معه لوضع حد لــ (عائلة سلامه ) التي كما يقول إمراجع أنهم أستولوا على قطعه أرض لهم ....
هو نفس الشاعر لي قال قصيده مشراف ونسرين.

شايب يرقد في بجاما .... مايرقد في جلابيا

جوه في دارا حمامـــا .... متمنقه ميا فلميا

يلبس علموضا هنداما .... ولبساتا ديما رسميا

ومنظم ساعات طعاما .... و أغلب وجباتا مشويا

روتيني داير نظاما .... يشرب قهوه كل عشيا

عندا فتره لنسيجاما .... عايش عيشا رومانسيا

كناري يغرد قداما .... نغمت صوتا موسيقيا

داير حوض أسماك أحجاما .... يختلفن بألوان بهيا

شايب عاش دلال أياما .... مافي عمرا دار قضيا

مابين أوراقا وأقلاما .... مثقف و أفكارا حيا

فندام إيتابع ففلاما .... و يحكي لوغات أجنبيا

فارض عالناس إحتراما .... واخذ لأمور إبجديا

هادي فى طبعا وكلاما ..... مايعرفش العاصابيا

موأدب في رد سلاما .... تابع قول الله ونبيا

لاهو من ناس الجلهاما .... لاهو من ناس الحسديا

لاهو كيف أولاد عماما .... قلت دين ومشكلجيا

لا يعرف زرع ولاجلاما .... لا يعرف عيت إمحويا

----------------------------------------------------------------

جاه إمراجع بو نجاما .... بن عمه من نفس الفيا

قله راهو في خصاما ..... في جيهت لأرض الفوقيا

فيها كانت فيه علاما ...... لكن من مده مخفيا

هلي من عند الخراما .... لاعند القاره لكصيا

من غربي وادي النعاما .... من شرقي مقلب لميا

من عند علاوي الحماما .... لا عند قرارات هنيا

راهم جوها عيت سلاما .... ونحنا بتنا برانيا

يحكي ويقبع فى أكماما .... حردت سوريتا ملويا

من عالراس عزق لعماما .... طلع من جيبا كميا

وخذت الأرض عليك نداما .... ياعار العيله جمليا

نبوا يوم إيحيد غمامه .... نرجوا فيه الكبانيا

شال الشايب فى دواما .... قله فز أنعدو هيا

في التيوتا حط إخياما .... هالوكس أو فيها بتيا

خبزه وأشولات أقطاما .... و أجريوين أمعا عجميا

قبل الليل إيعم ظلاما .... وصلوا لأرض هلي مغزيا

كم واحت واتي بحزاما .... داير في جنبا غدريا

يبوا لزت عيت سلاما .... قبل الفجر إيعلم ضيا

تما الشايب فى دواما .... في الجيه ماعندا نيا

تمت قداما التواما .... طلق إسناب أو جطلاويا

ليله كي حلم الجثاما ... كم جثه تمت مرميا

ليله فيها عيت سلاما .... دالو ا الأرض إبعين قويا

خلوا عيلت بو نجاما ..... يجاروا فى هالحطيا

لزوهم تما إيتحاما ..... شايبنا بالشاماسيا

نين إغلب فى شيل أقداما .... عارف روحه راح ضحيا

جاه واحد شين إنتيقاما ..... قاسي ماعندا حنيا

متعضد يا فيه جهاما .... يقتل لو قوى بونيا

ضاع الشايب هو وأحلاما ..... حصل دهكا في جوجيا

طاح إيعيط من صماما ..... فاقد وعيا تم رميا

سبحانا ربي وأقساما ..... ماينجا لولا رعويا

لقيوه إيشير بأبهاما ...... يطلب فى نجده فوريا

فى المستشفى كان إختاما ...... مايوعى للي طرحيا

ما نجين من الكسر إعضاما .... دارولا كم عاماليا

قررلا الطبيب إقاما .... لجلن شالو ا منا ريا

تبع رايت الهداما ..... غروا بيه إنسي ماضيا
تحياتى












[img] [/img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فالحة ام العقارب
عميد
عميد
avatar

انثى
عدد الرسائل : 1151
العمر : 43
المزاج : عال العال
البلد :
الوسام :
احترام قوانين المنتدى :
100 / 100100 / 100

تاريخ التسجيل : 14/02/2009

مُساهمةموضوع: رد: قصيدة جوها مليح   2009-03-09, 09:11

خيركم شباب جوجو ما عجبتكمش القصيدة



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الملكة
عميد
عميد
avatar

انثى
عدد الرسائل : 483
العمر : 29
المزاج : مليح حلو عادي متعدل
البلد :
الوسام :
احترام قوانين المنتدى :
100 / 100100 / 100

تاريخ التسجيل : 21/10/2008

مُساهمةموضوع: رد: قصيدة جوها مليح   2009-03-09, 12:09

لا عجبتني
تسلمي
الــمــلــكـة queen
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة جوها مليح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى صرخة الليبيين :: منتدى الأدب والثقــــافـــة الليبية :: اشعار ليبية-
انتقل الى: