الرئيسيةمكتبة الصوربحـثالمساعدةالتسجيلدخول

شاطر | 
 

 أجمل ما قال الشاعر الفحل مراد البرعصي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زياد البرعصي
مستجد جــو
مستجد جــو


عدد الرسائل : 16
العمر : 32
المزاج : عالي
البلد :
احترام قوانين المنتدى :
0 / 1000 / 100

تاريخ التسجيل : 01/12/2009

مُساهمةموضوع: أجمل ما قال الشاعر الفحل مراد البرعصي   2010-03-21, 17:31


ريت الهبل يحسابها تريد** هك ادوم ونباتوا شتات



ودك خوك يبقالك عضيد** موش ايجيك فالى غازيات



وراه الحى صيوره مديد** تحت الحود وآخرها امات



إيبيد اكفنه واكساهن إيبيد** ويبقن غير عرّى ناخرات



انكالى الصيت له عمراً مديد** فى لرحام يصل الغايبات



كى مادرت بأفعالك ايزيد** ايدير افراع كى شغل النبات



إيجيب البنت وإيجيب الوليد** وعند الليل جنه كافيات



وانكالى الخوف حاشاه وبعيد** وانكالى العقل عنده والثبات



وانكالى الزين هو زينه فريد** وانكالى العزم يصله هو ايبات



وان جيت للرأى هو رايه سديد** وارضا من بوه وامه خيرات



تريد الحق نلقنه قليد** وماينصاع للى قايدات



وفيك اجواد ياوطنا مجيد** فدوك بدم وانفس غاليات



ماهم كيف ركاب القعيد** اللى ماهد لاجن غايرات



هضول فتاهم يركب فى كريد** غطيسه كيف نشل الفايرات



ومامن طير يعنق فى هويد** وهضا صقر سقّر فازعات



ولامن مال لاشوخه انريد** ثناء لاشكر لاهن سايرات



ولانى عبد نخدم تحت سيد** ولالى كتف عند البيهوات



شاعر بس ننظم فى قصيد** الله الله نسو الفايتات



وديمه حذر من فجوة الصيد** حريص انغفل يلقط مطرفات



احذاى القول يسرد فى سريد** ونا نختار فى لحسن بتات



وبيت الجود مفروش ونضيد** التمن فيه كل الطيبات



وبيت الشح صيوره هديد** عموده جهل يهدم عاليات



فيه البوم يطبقها غريد** فوق اعروش هجرن خاويات



وبيت الجود للشارق سنيد** عليه يحط ظلم الجايرات



فيه الهيف فى حر الصهيد** ودفء وحنّ فاللى مبردات



وموش تجيه كى ساعى البريد** يطقن فيه وايجن عاكفات



جى اعجلة موريح طريد** فيه اوجوه ماهن مشرحات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أجمل ما قال الشاعر الفحل مراد البرعصي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى صرخة الليبيين :: منتدى الأدب والثقــــافـــة الليبية :: اشعار ليبية-
انتقل الى: